• (ВИДЕО) Повторно депонија во дворот на „Охридски Комуналец“

    Револтирани граѓани испратија видео материјал од огромна депонија ѓубре собрана Read More
  • Габриела Илиевска: Дали е во тек истрага против Владимир Талески?

    Габриела Илиевска, советник од ВМРО-НП во Општина Битола постави неколку прашања Read More
  • Јавните претпријатија со скратено работно време, училиштата со скратени часови, трудова инспекција недостапна

    Најголем дел од јавните претпријатија во Охрид денеска беа со Read More
  • 1
  • 2
  • 3

Револтирани граѓани испратија видео материјал од огромна депонија ѓубре собрана во дворот на ЈП Охридски Комуналец.

Неразбирливо е, се жалат граѓаните, како во центарот на градот во најжешките денови годинава во дворот на комуналното претпријатие ЈП Охридски Комуналец се направи огромна депонија. Велат дека смрдеата која се шири од депонијата е неподнослива и веќе незнаат како да реагираат бидејќи ова е втора година по ред како во ЈП Охридски Комуналец надвор од сите прописи и нормативи се прави ваква депонија која им смета во секојдневието на граѓаните.

Да е иронијата уште поголема, велат, ова не само што им смета нив туку се прави и во пресрет на летната сезона во населба каде има многу викенд станови.

Габриела Илиевска, советник од ВМРО-НП во Општина Битола постави неколку прашања до Градоначалникот Владимир Талески со кои ја разбранува битолската јавност. 
  • Дали е во тек истрага против Градоначалникот Владимир Талески?
  • Дали е во тек истрага против други лица вработени во Општина Битола на раководни позиции?
  • Дали е точно дека пред неполн месец е запленета службена документација од Општина Битола од страна на МВР Битола?
  • Ако е точно тогаш зошто?
  • Каква документација е запленета од кои сектори и одделенија и по чиј налог е тоа сторено?
  • Дали е точно дека е запленет и Договорот за јавно приватно партнерство за паркинзите кој толку многу беше криен од сите нас?
„Сметам дека ова се прашања на кои е должен да одговори на граѓаните на Битола бидејќи е избран од нив и е платен да работи во нивни интерес и тој, а и ние како советници.“ - истакна Илиевска од ВМРО-НП

Најголем дел од јавните претпријатија во Охрид денеска беа со скратено работно време. Причината за ова, најверојатно е митингот на владејачката партија во Скопје откако опозицијата вчера протестираше пред Владата на Република Македонија.

Наставата во средните училишта денеска беше со скратена програма. Часовите беа со скратено време од вообичаеното. Во дел од основните училишта, наставниот кадар ја напуштил наставата за да може да присуствува на митингот во Скопје.

Државниот инспекторат за труд во Охрид денеска денеска не одговори на повиците на граѓаните како и на редакцијата на OhridTimes. Во текот на целиот ден никој не се јавуваше на телефонскиот број во подрачната единица на трудовата инспекција во Охрид да одговори дали се запознаени со работното време на јавните претпријатија и училиштата и дали ќе преземат нешто околу тоа.  

Инаку, и покрај притисоците да се присуствува на денешниот митинг во Охрид, неофицијално челниците на ВМРО – ДПМНЕ во Охрид не биле задоволни од бројката на посетители кои отпатуваа од Охрид. Имајќи во предвид дека во Охрид ВМРО – ДПМНЕ ја има и централната и локалната власт, очекувањата не биле задоволени.

Никола Груевски и врхушката на власта во Охрид деновиве вршат невиден притисок и тортура врз дел од вработените во државната и јавната администрација, обвинуваат од СДСМ.

Луѓето се принудуваат по секоја цена да земат учество на митингот на ВМРО-ДПМНЕ што вечерва се одржува во Скопје.

По партиска директива на ВМРО-ДПМНЕ, раководните лица во јавните претпријатија, училиштата, градинките, болниците, општината и другите државни и локални институции вршат притисок врз дел од вработените. Први на удар се волонтерите, вработените со времени договори, со договор за дело и сезонските работници.

Денеска во сите училишта во Охрид наставата ќе се одвива до 15:00 часот, а потоа вработените задолжително треба да заминат на митингот со организиран превоз со автобуси – стои во соопштението на СДСМ.

Од партијата додаваа дека работното време денеска е незаконски скратено за дел од вработените во државната и јавната администрација во општинските и државните институции.

Некои од членовите и симпатизерите на ВМРО-ДПМНЕ, што работаат во општинската администрацијата, денеска се незаконски ослободени од работа. Родителите се принудуваат до 15:00 часот да си ги земат децата од градинките, затоа што воспитувачките и негователките мораат да одат на митингот на ВМРО-ДПМНЕ.

Вчера граѓаните на Охрид сами по своја волја дојдоа и остануваат пред Владата додека  Груевски не замине.

Ги охрабруваме граѓаните да постапат според своите убедувања и чувства.

Порачуваме дека Груевски со или без негова волја токму поради еден од ваквите механизми на владеење мора да замине – велат од СДСМ.

Во пресрет на летната сезона и очекуваните високи температури карактеристични за овој период, СВР Охрид изготви конкретни оперативни планови за зајакнати мерки од превентивен но и од репресивен карактер за заштита на шумите, пасиштата и другите отворени простори од пожари. Во таа насока, СВР-Охрид ќе ги вклучи сите расположливи капацитети и опрема која наменски може да се користи за контрола, превентива и заштита на шумите од пожар, како и да одговори на потребите во случаи на локализирање на евентуално настанат пожар од поголем обем.

Во соработка со територијалната против-пожарна единица, ЦУК, ЈП „Македонски Шуми“, Националните паркови, шумската и граничната полиција, АРМ, локалната самоуправа, Црвениот крст и другите надлежни субјекти и институции, ќе се следи состојбата на подрачјето во врска со пожарите и ќе се преземаат предвидени мерки за заштита, навремено забележување и информирање за настанат пожар до сите останати релевантни субјекти за координирано преземање на натамошни мерки  и навремено локализирање на истиот. Полициските службеници заедно со шумската полиција ќе имаат превентивни патроли на отворен простор со цел елиминирање на опасноста од предизвикување на пожар и примена на мерките согласно  наредбите од ЈП „Македонски Шуми“ за забрането движење во шуми без одобрение односно ограничено и контролирано присуство во шуми. Ќе се врши надзор во претпријатијата што стопанисуваат со шуми, пасишта и на одговорните лица ќе им се укаже за потребата од зајакната контрола на терен за заштита од пожари и примена на законската регулатива. Предвидена е интензивна соработка со институциите и на регионално ниво за размена на информации во врска настанати пожари, организирање на дополнителна помош во опрема, техника, сили и средства со цел преземање на заеднички понатамошни мерки.

Посебен акцент е ставен на средби со советодавни групи на граѓани и локални совети за превенција, со приоритетна тема превентивно делување за заштита од пожари на отворен простор и практична реализација на концептот “Соработка помеѓу полицијата и заедницата”. Ќе се реализираат проекти во кои ќе се опфатат мерки за превенција и заштита од пожари со дистрибуција на пропаганден материјал и флаери за едукација, јакнење на свеста за заштита од пожари и информирање на населението.

Редовно преку канцеларијата за односи со јавноста ќе одржува контакти со медиумите и до граѓаните ќе се доставуваат информации, ќе се укажува на опасностите од пожар како и на превентивните мерки кои треба да се превземаат со цел спречување и справување со настанат пожар.

СВР Охрид, посебно ќе работи на оперативен план со цел пронаоѓање на причините и предизвикувачите на случен пожар а се со цел документирање и преземање на соодветни законски мерки.

За разлика од провладините медиуми кои цел ден се обидуваат да го прикажат протестот пред Влада, како неуспешен, постојат и професионални медиуми кои ја прикажаа реалната слика на вчерашните протести.

За разлика од некои дописници од земјава за странски aгенции кои манипулираа со бројката од 20.000 луѓе и кои не излегоа од просторот пред бината, снимките покажуваат сосема нешто друго.

Освен што со дрон е сниман просторот пред влада, исполнет беше и просторот пред и зад зградите како и целиот булевар “Климент Охридски“.

Page 1 of 250